Xabier Aierdi

Ibilbidea

Xabier Aierdi Urraza (Zeberio, 1957) Soziologian lizentziatua da Deustuko Unibertsitatean (DU, 1980), eta Soziologian doktorea Euskal Herriko Unibertsitatean (UPV/EHU, 1990). Immigrazioari, gizarte zerbitzuei, DSBEari eta abarrei buruzko gaietan aditua, nazioko eta nazioarteko hainbat argitalpen egin ditu, eta hainbat kongresutan txostengilea izan da. UPV/EHUko irakasle titularra izan da 36 urtez, graduondoko ikastaroetan, masterretan eta doktoregoko ikastaroetan irakasten, eta Euskal Herriko udalerri askotan hitzaldi ugari ematera gonbidatu dute.

Immigrazioaren Euskal Behatokiaren (Ikuspegi) sortzaile eta zuzendaria izan zen 2003an sortu zenetik 2011ra arte. Halaber, Begirune Ikerketa Laborategiko zuzendaria izan zen immigrazio-gaietan (2011-2013), eta Eusko Jaurlaritzaren aholkularia Enplegu eta Gizarte Politiketako Sailean (2014-2016).

Euskal Herriko Unibertsitateko Soziologia eta Gizarte Langintza Saileko zuzendaria izan da, eta AVSP-ESZPE Euskal Soziologia eta Zientzia Politikoaren Elkarteko presidentea.

Gaur egun, Begirune Fundazioko presidentea da (2018tik), eta ikerketa sozial aplikatuko hainbat proiektutan parte hartu du, batez ere erakunde publikoentzat. Horien artean, nabarmentzekoa da Herritartasunaren, Kulturartekotasunaren eta Immigrazioaren Esparruan Jarduteko V. Plana idatzi izana Familia Politika eta Aniztasuneko Zuzendaritzarako. Gizarte politiken arloan ere hainbat ikerketa egin ditu.

Gaiak

Análisis cuantitativo, Codesarrollo, Comunicación, Cultura, Derechos sociales, Estado bienestar, Exclusión social, Investigación operativa, Migración, Políticas públicas, Sociología